Atal nagusia
Skin Film. “Gorputzaren materialtasunaren inguruan, distantzia sozialaren garaian poetika politikoaren ekintza gisa funtzionatzen duen bigarren azal baten sorrera irudikatzen duen diziplina anitzeko lan zabala da”.
“Skin Film”, Cecilia Gala dantzaria eta Wade Matthews soinu-artistarekin lankidetzan garatutako lan prozesua da. Martosek, kimigrama teknika erabiliz, Cecilia Galaren azala zeluloidez janzten du, bere gorputzaren negatiboa sortuz. Filma/azala argia bihurtzen da, bigarren soineko baten antzera bere gorputzean proiektatuz. Espazio honetan, “Skin Fil” gorputz-fotogramen aukeraketa batetik eraikitako instalazio eskultoriko gisa birformulatzen da.
Artistaren biografia
Deneb Martos Madrilgo artista bisuala da, kamera gabeko film praktiketan eta garapen analogiko alternatiboko prozesuetan espezializatua. Bere lanak ikus-entzunezko esperientzia lurralde haptikoetara zabaltzea proposatzen du.
2003az geroztik Madrilgo La Casa Encendidako argazki analogikoaren sailean lan egiten du, eta han sortu zuen Los Laboratorios, teknika eta prozesu analogikoetan espezializatutako gunea. 2019az geroztik, FilmLAV tailerren arduraduna da, Sorkuntza eta Praktika Garaikideko AudioVisual Laborategia (LAV). Bere ikus-entzunezko emanaldi performatiboak KONTAKTE ’17 jaialdia bezalako espazioetan aurkeztu dira edo FILMADRID Vanguardias Live programan.
